Winter din gewalt·
selwet blv̊men manigvalt·
dú zit ist also gestalt·
vnde dú vogellin·
lident aber grossen pin·
ir schal mv̊s geswigen sin·
wan mag schowen
an den ǒwen·
da lit nv der sne·
da man blv̊men brach·
vf der heide·
stent mit leide·
rife vnd ǒch der sne·
dast min vngemach·
Wes habe ich gedinge
sol min singen
mir niht bringen·
froͤiderich gedinge·
Winter vnd der sne·
tv̊t mir niht reht so we·
sorge hab ich dannoch me·
swies min herze gert·
des bin ich noch niht gewert·
est vnneher danne vert·
dú vil gv̊te·
minem mv̊te·
sus hat angesiget·
dc ich bin vnfro·