Wint̾ leide gruͤne heide·
hat v̾derbet vn̄ den walt·
wan mag ſchǒwē· an dē ǒwē·
da lit nv der rife kalt·
ich wirde alt vō ſelken dingē·
noch klage ich ein and̾ not·
dc dú liebe mich wil twīgen·
der ich mich ze dienſte ie bot·
ich wil ſingē· zoꝛen bꝛingē·
dc ich nach ir iamers won·
IAmers ſchrike lide ich dike·
dc tůt minē h̾zen we·
ich vil tvmb̾· diſen kvmb̾
lidē mvͤſ aber alſ e
ſwies erge·
ich mv̊s doch ſoꝛgē·
beide naht vn̄ ǒch dē tag·
dc ich abēt noch dē morgē·
ſi niht ſol noch ſehen mag·
vnv̾boꝛgē mv̊s ich woꝛgē·
ī ir bandē dv̄ket mich·