Wie ſchoͤne vn̄ gůt ſi w̾e·
deſ het ich ſo vil v̾nomē·
dc mir niem̾ me dú m̾e·
kvndē vs dē h̾zen komē·
ſit han ich an ir geſehen·
ſwie g̾ne ich ſi nv v̾bere·
ine moͤhte alſe iſt mir hie beſchehē·
Kvnde ich alſ es ir gezeme·
wol gedienē dc tet ich·
dc ſi mine bette v̾neme·
nah genadē vb̾ mich·
do ich ſi mir zetroſte erſach·
wolte ir dc weſē genême·
ſo wol mih des dc ie geſchach·
Swie ſi wil dú mīnekliche·
deſ hat ſi gewalt alſo·
ich bin arm ich bin riche·
ich bin trurig ich bin vꝛo·
ſo gar iſt ſi gewaltig min·
iſt ab̾ dc ich vō ir entwiche
des ſols vngewaltig ſin·