Wie schoͤne vnd gůt si were·
des het ich so vil vernomen·
dc mir niemer me dú mere·
kvnden vs dem herzen komen·
sit han ich an ir gesehen·
swie gerne ich si nv verbere·
ine moͤhte alse ist mir hie beschehen·
Kvnde ich als es ir gezeme·
wol gedienen dc tet ich·
dc si mine bette verneme·
nah genaden vber mich·
do ich si mir zetroste ersach·
wolte ir dc wesen genême·
so wol mih des dc ie geschach·
Swie si wil dú minnekliche·
des hat si gewalt also·
ich bin arm ich bin riche·
ich bin trurig ich bin vro·
so gar ist si gewaltig min·
ist aber dc ich von ir entwiche
des sols vngewaltig sin·