Vs allen frowen ich mir eine erkande·
zetroste an der wil ich stete beliben·
des setze ich min ere zepfande·
vnd dc ich minne si vor allen wiben·
swenne ich dc niht tů ich wil das si verste·
vnd ir genade mich dar zů verge·
nv gedenke ob ir niht loste·
wer mich an froͤiden iemer me getroste·
Was solte mir dar nah libe vnd ere·
swenne ich das herze wolte von ir wolde wenden·
si wisse dc ich minne si iemer mere·
nach ir genaden mvͤsse ichs noch verenden·
wc dar vmbe ob si verzihen kan·
dc habent vil gv̊te frowen e getan·
doch ist min trost ich horte sagen ein mere·
dc niht so gv̊t so steter dienest were·