Vs allē frowē ich mir eine erkande·
zetroſte an d̾ wil ich ſtete belibē·
deſ ſetze ich min ere zepfande·
vn̄ dc ich mīne ſi voꝛ allē wibē·
ſwēne ich dc niht tů ich wil das ſi v̾ſte·
vn̄ ir genade mich dar zů v̾ge·
nv gedenke ob ir niht loſte·
wer mich an froͤidē iem̾ me getroſte·
Was ſolte mir dar nah libe vn̄ ere·
ſwēne ich das h̾ze wolte vō ir wolde wēdē·
ſi wiſſe dc ich mīne ſi iem̾ mere·
nach ir genadē mvͤſſe ichs noch v̾endē·
wc dar vmbe ob ſi v̾zihen kan·
dc habēt vil gv̊te frowē e getan·
doch iſt mī troſt ich hoꝛte ſagē ein m̾e·
dc niht ſo gv̊t ſo ſteter dieneſt were·