Von sorgen wande ich ledig sin·
do mich dú schone alvmbe vie·
gehoͤhet wart dc herze min·
wan es mir schedeliche ergie·
do was min sorge kleine·
nv han ich me danne eine·
ich fúrhte ir si vil we nach mir·
als minem herzen ist nah ir·
dc sint zwivaltú leit·
die vn vnser beider herze treit·
Vnder wilent mv̊s ich tragen·
von gedanken sendú leit·
als ich danne hoͤre sagen·
von ir so grôsse werdekeit·
so wirde ich von dem mere vro·
si tete ǒch mir dc selbe also·
horte si von mir iht gv̊tes·
des sin wir geliches mv̊tes·
swc si froͤit des froͤiwe ich mih·
swc mich froͤit des froͤit si sich·