Von ſoꝛgē wāde ich ledig ſin·
do mich dú ſchone alvmbe vie·
gehoͤhet wart dc h̾ze min·
wā es mir ſchedeliche ergie·
do was mī ſoꝛge kleine·
nv han ich me dāne eine·
ich fúrhte ir ſi vil we nach mir·
als minē h̾zē iſt nah ir·
dc ſint zwivaltú leit·
die vn vnſer beid̾ h̾ze treit·
Vnd̾ wilēt mv̊s ich tragē·
vō gedankē ſendú leit·
als ich dāne hoͤꝛe ſagen·
vō ir ſo grôſſe w̾dekeit·
ſo wirde ich vō dē mere vꝛo·
ſi tete ǒch mir dc ſelbe alſo·
hoꝛte ſi vō mir iht gv̊teſ·
deſ ſin wir gelicheſ mv̊teſ·
ſwc ſi froͤit deſ froͤiwe ich mih·
ſwc mich froͤit deſ froͤit ſi ſich·