Wie mag das iemer so beschehen

Wie mag das iemer so beschehen·
das ich so sere fúrcht ein wib·
das ich ir nit getar veriehen
wie si betwinget mir den lib·
vnd wie si mich hat bꝛacht in sende soꝛge·
das ich der rede gegen ir so lange boꝛge·
das ist des schuld si ist so gůt·
vnd das min lib so rechte wenig gůtes tůt·
da von min sin nicht an si gert·
si ist ze gůt swach bin ich·
ich dunch mich nieht ir selben wert·