Wie mag das iem̾ ſo beſchehen

Wie mag das iem̾ ſo beſchehen·
das ich ſo ſere fúrcht ein wib·
daſ ich ir nit getar v̾iehen
wie ſi betwīget mir den lib·
vn̄ wie ſi mich hat bꝛacht in ſende ſoꝛge·
das ich der rede gegen ir ſo lange boꝛge·
das iſt des ſchuld ſi iſt ſo gůt·
vn̄ das min lib ſo rechte wenig gůtes tůt·
da vō min ſin nicht an ſi gert·
ſi iſt ze gůt ſwach bin ich·
ich dunch mich nieht ir ſelben wert·