Mit vrlob wil ich hinnan varn
vnd scheiden von dem lande·
vnd niemer wider komen dꝛin
si mv̊s es mir erlǒben·
vnd ze frúnde mich enpfan an allen valschen wang·
Wan sêch mich rich wan sêch mich arn·
so las ich in ir bande·
hertz vnd můt lip vnd sin
wil si mich lebens rǒben·
das stet an ir eine gar nach der min hertze ie rang·
doch trúwe ich ir si ist so gůt·
das si min wende sterben·
ich wil es niemer ab gelan ich han den můt·
vnd solt ich dꝛumb verderben·
ich dien ir alle die wile ich lebe geseit si mirs niemer danch·