Wibes guͤte niemā mac·
vollobē an ein ende gar·
min h̾ze blvͤt nv manigen tag·
ſi machet mich gar ſoꝛgē bar·
ſwenne ich ſi ſihe gekleidet ſtan·
vn̄ alſo ſchone voꝛ mir gan·
alſam die engel wolgetā·
Ein wib mich des betwungē hat·
dc ich ir iemer dienē mv̊s·
der lib vil wol ze wunſche ſtat·
ir roter mvnt git reinē grůs·
ich han den wunſch an ir geſehē·
das man ir mv̊s dc beſte iehen·
oder ich kan niht wibe ſpehen·
Diner reine troſte ich mich·
noch bas danne ich gedienet han·
dv biſt eine der wil ich·
mit trúwen weſen vndertā·
des tages ſwenne ich dich ſehē ſol·
ſo wart nie manne nie ſo wol·
vn̄ iſt min h̾ze froͤiden vol·
Hohen mv̊t ich vō dir han·
des weis ich nieman mere danc·
dv biſt gůt an argen wan
ich dien dir iemer ane wanc·
nv ſpꝛich dc es din wille ſi·
ſo enwurde ich niemer vꝛi·
vn̄ volge dir mit dienſte bi·