Was ie geſang Reinmar vn̄ der vō Eſchilbach·
was ie geſpꝛach
der vō der vogelweide·
mit zo uer goltem kleide·
ich vrǒwen lob ver gult ir ſang als ich úch beſcheide·
ſú hant geſvngen von dúm feim den grunt hant ſv́ verlaſſen·
vs keſſels grvnt· gat min kvnſt ſo giht min mvnt·
ich tůn v́ch kvnt·
mit woꝛtē vn̄ mit toͤnen·
gar ane ſunder hoͤnen·
noch ſoͤlte man min̾ ſangeſ ſchrin· gar rilichen kroͤnen·
ſi hant gevarn den ſmalen ſtig bi kv́nſterichen ſtrâſſen·
w̾ ie geſang· vn̄ ſinget noch·
bi gruͤnem holtz ein fules bloch
ſo bin ichs doch
ir meiſter noch·
der ſinne trag ich ǒch ein ioch·
dar zv̊ bin ich der kv́nſt ein koch·
min woꝛt min doͤne· getraten nie vs rechter ſinne ſâſſen·