Naturen kraft er schinet
an dem vogel vellica
kein swere noch kein pine noch kein leit enkvmete da·
also 404r das er icht lide not·
wan er die krone ob alsen foͤgellin treit·
der tot in nicht enpinet·
alsus dv́ schrist seit offenbar·
sin lip vor tode ist froͤmde· sin vederan werdent blv̊tig var·
so das dv́ gotheit nie wart tot·
dv́ menscheit starb· ein crist dvrch v́ns er leit·
dv́ gotheit menscheit fůrte·
dv́ menscheit starb so das der tot· die gotheit nie berůrte·
das was ein michel wunder·
das vatter svn geist was ein strik·
vnd doch nit einr leije· iamers pik·
die tǒgen entslos die valscheit nie dar vnder·
Got ist ein ewig iemmer
ein spiegel sprissel hat gebelt·
mit der geistheit gewidemt· in ange vierde stat dv́ welt
da schinnet liecht in himel zvnft·
mir ebener mâsse· in voller svͤssekeit·
din ewiklich gezimmer·
din zvcker svͤs brach den swadem·
mit der geistheit erbidemt· dvr drilich was der goͤtlich adem·
drúlestik vunk mit rilich kvnst
enzv́ndet wart dv́ brvnst· die got besneit
din vatterlichv́ helsv́·
in ewikeit die bruchche twang· mit der naturen gelfe·
brach er in applatys
vnd nam des lambes vanen rot·
der werden brustlin oster brot·
mit innekeit hilf magt vns zv̊ der spise·
Der gottes tempel here·
der in sin geist gewidmet was·
der st also gezieret· da hat dv́ ware minne flaf
enzv́ndet das si git solchen schin·
dv́ sv́ne clar· mv̊s da bi vinster wesen·
der tempel was nach lêre·
vf einem sarch vil schon erhaben·
der sarch was rot marmel· der tempel guldin wol dvr graben·
da mitten vf des sarches schrin·
ein corporal als man vns hat gelesen·
gefv̊g zv̊ dri ualten
dar in so lit das lebent brot· menschlich in drú gespalten·
als vf dem tempel stúnde·
ich sich wol lambes blv̊te rot·
dvr sine hulde leit er den tot·
got svn er was· vnd starb·
vri aller sv́nde·