Walt vn̄ ǒwe vn̄ dú heide·
die ſtent ab̾ ī wūneklich̾ wat·
ī der ſchǒwe· liehter kleide·
ſich der anger nv gewarnet hat·
ellú vogelin ſint vs leide·
ſoſt des veldes ǒgenweide·
wol gezieret mit d̾ gruͤnē ſat·
Manigē wūdert· wes ich trure·
alde vō weme ich habe die ſendē klage·
ich han hund̾t nachgebvre·
dien ich doch der m̾e niht enſage·
iſt in wille gen mir ſure·
ſo nimit mich des kein wūder·
ob ich gen ir holdes h̾ze trage·
Lieb an ende· voꝛ in allē·
ich han iem̾ mich zů dir vpfliht·
lieb nv wende· manigeſ kallē·
manig̾ ſpꝛichet ſi gewer mich niht·
dc iſt ein vngefuͤges ſchallen·
moͤht aber ich ir wol gevallē·
ſone růchte mich wc iemā boͤſer giht·