Vns hat der winter geſchadet vber al

Vns hat der winter geſchadet vber al·
heide vn̄ walt ſint beide nv val·
da manic ſtimme vil ſv̊ſſe inne hal·
ſehe ich die megde an der ſtraſſe dē bal·
w̾fen ſo kême vns d̾ vogele ſchal·

Moͤhte ich v̾ſlaffen des winters zit·
wache ich die wile ſo han ich ſin nit·
dc ſin gewalt iſt ſo bꝛeit vn̄ ſo wit·
weis got er lat ǒch den meien den ſtrit·
ſo liſe ich blv̊men da rife nv lit·