Vns hat der winter geschadet vber al

Vns hat der winter geschadet vber al·
heide vnd walt sint beide nv val·
da manic stimme vil sv̊sse inne hal·
sehe ich die megde an der strasse den bal·
werfen so kême vns der vogele schal·

Moͤhte ich verslaffen des winters zit·
wache ich die wile so han ich sin nit·
dc sin gewalt ist so breit vnd so wit·
weis got er lat ǒch den meien den strit·
so lise ich blv̊men da rife nv lit·