Treit d̾ igel doꝛne ī ſiner húte·
daſ iſt niht ein wūder wā es iſt ſin reht·
dē ſint vngelich die valſchē lúte·
die ſint īnen ruch vn̄ vſſerthalbē fleht·
tvmb mā nim dich an·
ſw̾ dich mit dē woꝛtē loſlich trúte·
tv̊ im ſā ſi er ein ritt̾ oder ein kneht·
350v Ob dem beine haſſet hvnt geſellē·
gůt̾ frúnde ī not iemā vil lúzel ſiht·
ſw̾ den rin mir leime wil v̾ſwellē·
d̾ hat min ſwie tvmbe ich ſi zehelfe niht·
frúnt mī· dv ſolt ſin·
ſwie min nein dich iagelichē wellē·
ſvs hat frúnt mit frúnde rehtes frúndes pfliht·
Vs eime h̾ten ſteine zuker billē·
ald vs einē fvlen holze wachs bern·
wer kan dirre w̾lte nach ir willē·
ſpꝛechē alde ſinē ſank v̾zern·
wes des wene ich weſ·
mvggē ſvſent ſchꝛient ǒch grillē·
wer kan dirre tvmbē diet ir mv̊t erwern·