Treit der igel dorne in siner húte·
das ist niht ein wunder wan es ist sin reht·
dem sint vngelich die valschen lúte·
die sint innen ruch vnd vsserthalben fleht·
tvmb man nim dich an·
swer dich mit den worten loslich trúte·
tv̊ im sam si er ein ritter oder ein kneht·
350v Ob dem beine hasset hvnt gesellen·
gůter frúnde in not ieman vil lúzel siht·
swer den rin mir leime wil verswellen·
der hat min swie tvmbe ich si zehelfe niht·
frúnt min· dv solt sin·
swie min nein dich iagelichen wellen·
svs hat frúnt mit frúnde rehtes frúndes pfliht·
Vs eime herten steine zuker billen·
ald vs einem fvlen holze wachs bern·
wer kan dirre werlte nach ir willen·
sprechen alde sinen sank verzern·
wes des wene ich wes·
mvggen svsent schrient ǒch grillen·
wer kan dirre tvmben diet ir mv̊t erwern·