Swas dú w̾lt nach froͤidē ie vf hohē mv̊t gewarb·
ſine w̾be ǒch noh dc iſt alles ein niht·
wā dc nie gar in ſende leit an mir v̾darb·
vō māiger froͤmder vngeſchiht·
ſo fvnde ich dc·
des ich mich noh wol v̾wene an minē mv̊te·
dc ich mich nie gefroͤite bas·
geſhe ǒch mir vō der vil w̾de lebēde iht zegv̊te·
Wol gedingē vn̄ ie doh niht vollē wol gelebē·
ſo fúrhte ich vil lihte eī ende nemē·
d̾ ſelbe troſt iſt mir ze miner not gegeben·
ſol dc d̾ liebē wol gezemē·
ſo wūdert mich·
ſol ich zwiuellich̾ froͤide an ſi gedīgen·
ſo ſol ſi bc bedenkē ſich·
ich enkvnde vō dē m̾en niem̾ gůtes niht geſingen·
Swer zúrnet ſo dc es gat vúr die ere hin·
d̾ vb̾ſiht d̾ wiſē rat·
ſol úwer dienſt v̾loꝛn an mir einē ſin·
ſo w̾e ǒch dc eī miſſetat·
v̾gêſſet ir
dur dc eine d̾ vůgē ob ich an iv eine vůge tete·
ſo wene ich w̾e beſſer mir
ich hete iv lieb dāne ich dē haz vō ſchuldē vf mir hete·