Sol ich iemer fro beliben ane swere
dc mv̊s von der minneklichen· komen also·
si kan sendú leit vertriben· swa si were
da mvͤste vngemvͤte entwichen· si ist so vro·
wil si so ist min froͤide kranc· vnd min leit·
wil si so ist min sorge lang vnd breit·
minneklichú frowe· nv schǒwe· den kvmber·
den ich sender tvmber· han geseit·
werdú minne· twing ir sinne· dc si mich·
lieplich meine· dú vil reine minneklich·