Seldē wunſch vn̄ froͤidē hoꝛt·
hat dú vi liebe frowe min·
reinú werk vn̄ ſvͤzú woꝛt·
hat ſi ſwie froͤmde ſi mir ſin·
alle frowē lan das ane has·
die ſi ſehēt·
vn̄ ſi ſahent·
die v̾iehent
vn̄ v̾iahent·
dc in nie noh niem̾ wib gevallet bas·
Erē ſol mā ellú wib·
dur ſi ſit ſi iſt ſo wol getan·
ſit ir mīneklich̾ lib·
gar al der w̾lde pꝛis ſol han·
ſwc ir liehtē ǒgē vn̄ ir grůs·
lúte ie fvndēt·
vn̄ noch vindent·
die entwūdēt·
vn̄ entwindent·
ſich vſ leide· in wart vn̄ wirt da valſcheſ bv̊s·
Do ir lob vō ſpꝛvnge flǒg·
gar aller tvgende mā im iach·
ſelde an erē ſin niht trǒg·
ein michel wūd̾ da geſchah·
al d̾ w̾lte lob dú do enboꝛ·
hohe ſtrichen·
vn̄ noch ſtrichent·
dú entwichē
vn̄ entwichent·
im vn̄ lieſens fúr es vert in iem̾ voꝛ·