Schowent vf die gruͤnē heide·
wie gar wūneklich ſi lit·
ſeht was liehter ǒgenweide·
vns hat bꝛaht des meien zit·
doch můs ich in ſoꝛgē ſin·
ob mich lât ī ſendē leide·
dú vil liebú frowe min·
IN geſach bi minē iaren·
ſwc ich frowē hā geſehen·
nie kein wib ſo wol gebarē·
deſ mv̊s ich fúr war wol iehen·
es enſi div mir den lib·
twinget vn̄ der ſinnē varet
troͤſte ein mīnekliches wib·
Solde ich ir vil rôtem munde·
nigē ſo das mich ir grůs·
gar vō h̾zeleide enbvnde·
ſeht ſo were mir trurē bůs·
vn̄ ich wolde ī froͤiden ſin·
ob ich niht wan zeiner ſtvnde
kvſte ir rôtes mv́ndelin·