Ob man mit lv́gen die ſele nert·
ſo weis ich den der heilig iſt·
der mir dike meine ſw̾t·
mich vberwāt ſin karger liſt·
dc ich in zeime frúnde erkos·
da wande ich ſtete fúnde·
min ſelb̾ ſin mich da v̾los·
als ich der w̾lte kv́nde·
ſin lib iſt alſe valſchelos·
ſam dc mer der v́nde·
War vmbe ſv̊cht ich froͤmdē rat·
ſit mich min ſelber h̾ze trůc·
dc mich an den v̾leitet hat·
der mir noch nieman gůter dǒg·
es iſt ein ſwach̾ mānes pꝛis·
den er beget an wibē·
ſvͤſſer woꝛte iſt er ſo wiſ·
dc man ſi moͤhte ſchꝛiben·
den volget ich vntz vf dc is·
der ſchade mv̊s mir beliben·
186v Begvnde ich vehen alle man·
dc tete ich durh ſin eineſ has·
wie ſchvldic werē ſi daran·
ia lonet meniger ſiner bas·
dú hat ſich dvrh ir ſchoͤnen ſin·
geſellet ſelekliche·
dú lachet ſwāne ich truric bin·
wir alten vngeliche·
nach leide hv̊b ſich min begin·
dc ſenfte got der riche·