Ob ich ſi iemer mere geſehe·
des enweiſ ich niht fúr war·
da bi gelǒbe mir ſwes ich ir iehe·
es get vō herzen gar·
ich mīne ſi fúr ellú wib·
vn̄ ſwer ir des bi gotte·
dc h̾ze min ſin vn̄ alder lip·
die ſtent in ir gebotte·
ich erwache niemer es ſi min erſte ſegen·
dc got ir eren mvͤſſe pflegē·
vn̄ laſſe ir lip mit lobe hie beſten·
vn̄ iemer ewekliche·
nv gib ir h̾re froͤide in himelriche·
vn̄ mir beſchehe alſam als mv̊ſſe es ergen·