Ich wil gesehen die ich von kinde·
her geminnet han fúr ellú wib·
vnd ist dc ich genade vinde·
so gesach ich nie so gv̊ten lip·
obe aber ich ir were·
vil gar vnmere·
so ist si doch dú tugende nie verlie·
froͤide vnd svmer ist noch alles hie·
Ich han also her gervngen·
dc vil trurekliche stůnt min leben·
dike han ich we gesvngen·
dem wil ich vil schiere ein ende geben·
wol mich singe ich gerne·
swenne ichs gelerne·
des ist zit wan ich gesanc so nie·
froͤide vnd svmer ist noh alles hie·