Ich wil geſehen die ich vō kinde·
her gemīnet han fúr ellú wib·
vn̄ iſt dc ich genade vinde·
ſo geſach ich nie ſo gv̊tē lip·
obe aber ich ir were·
vil gar vnmere·
ſo iſt ſi doch dú tugende nie v̾lie·
froͤide vn̄ ſvmer iſt noch alles hie·
Ich han alſo her gervngē·
dc vil trurekliche ſtůnt min leben·
dike han ich we geſvngē·
dem wil ich vil ſchiere ein ende geben·
wol mich ſinge ich g̾ne·
ſwēne ichs gelerne·
des iſt zit wan ich geſanc ſo nie·
froͤide vn̄ ſvmer iſt noh alleſ hie·