Ob ich si iemer mere gesehe·
des enweis ich niht fúr war·
da bi gelǒbe mir swes ich ir iehe·
es get von herzen gar·
ich minne si fúr ellú wib·
vnd swer ir des bi gotte·
dc herze min sin vnd alder lip·
die stent in ir gebotte·
ich erwache niemer es si min erste segen·
dc got ir eren mvͤsse pflegen·
vnd lasse ir lip mit lobe hie besten·
vnd iemer ewekliche·
nv gib ir herre froͤide in himelriche·
vnd mir beschehe alsam als mv̊sse es ergen·