Nv iſt dv́ liehte heide val·
rife wil ſi twingen·
ſingē· mv̊s ich ab̾ von des winters krefte·
ſvͤſſen ſanc der nahtegal·
wil er gar v̾dꝛingē·
bꝛingē· kann 88v er leit mit ſiner meiſt̾ſchefte·
nement war·
wie winter gegen vns ziehe·
leid̾ kreftig iſt ſin ſchar·
ſo iſt der ſvmer ſchiehe·
fliehe· wint̾ hat dc meſſer bi dem hefte·
Was klage ich der vogel ſanc·
vnde die liehten heidē
beide· ſit min leit iſt woꝛden klagebere·
nach der ie min h̾ze ranc·
dú tůt mir ſo leide·
ſcheide· frowe mine lange w̾nden ſw̾e·
ſwāne ich ſihe· ir liehtē ougē blike·
vō mir ſwēken ich v̾gihe·
dc ich dāne erſchꝛike·
dike· tv̊t ir fremdē gros mich froͤidē lere·