Nv iſt dú heide· in liehtē kleide·
woꝛden bar vn̄ ǒch der gruͤne walt·
da vil ſchône in ſvͤſſem dône·
ſvngē vogel ir ſtīme manigvalt·
diſe not die klagent ivnge vn̄ alde·
mit gewalde· twīget ab̾ die blůmē rot
der leide wint̾ kalt·
ICh mv̊s w̾ben· vmb ein ſt̾ben·
troͤſtet mich dú liebe niht enzit·
dú mich toͤtet· gar dvr roͤtet·
iſt ir mvnt dú mir vil ſoꝛge git·
kvſte aber ſi mich guͤtlich zeinē mâle·
al min kale· hæt ein ende ſit min troſt
an ir genâden lit·