Nv ist dú heide· in liehtem kleide·
worden bar vnd ǒch der gruͤne walt·
da vil schône in svͤssem dône·
svngen vogel ir stimme manigvalt·
dise not die klagent ivnge vnd alde·
mit gewalde· twinget aber die blůmen rot
der leide winter kalt·
ICh mv̊s werben· vmb ein sterben·
troͤstet mich dú liebe niht enzit·
dú mich toͤtet· gar dvr roͤtet·
ist ir mvnt dú mir vil sorge git·
kvste aber si mich guͤtlich zeinem mâle·
al min kale· hæt ein ende sit min trost
an ir genâden lit·