Nv iſt des meien ſchoͤne·
wā hoͤꝛet ſvͤſſe doͤne·
die w̾den zit ich kroͤne·
d̾ wint̾ wil zergan·
er iſt vil gar geſwachet·
d̾ liebe ſvmer machet·
dc dvr den kle nv lachet·
manig blůme wol getan·
nv ſtat bekleit dú heide·
mit wūneklicher wat·
ſi iſt woꝛdē fri voꝛ leide·
mit liehter ǒgenweide·
manig anger ſchone ſtât·
Owe hete ich hulde·
vō d̾ ich kvmb̾ dulde·
des wunſches vbergulde·
lit an d̾ frowē min·
ſi iſt ganzer tvgende ein krône·
vn̄ pfligt ir zúhte ſchone·
ſolde ich ir ſvͤſſem lône·
ſo lange froͤmde ſin·
ſo ſage ichs iv fro mīne·
dc ich an iv v̾zage·
ich v̾lúre gar die ſinne·
nv helfent kúnigīne·
vō ſenelicher klage·