Nieman iſt ein ſelig man·
ze dirre w̾lte wan der eine·
d̾ nie liebes teil gewan·
vn̄ ǒch dar nach gedenket kleine·
des h̾ze iſt vꝛi vō ſender not·
dú manigē bꝛinget vf den tot·
der ſchone heil gedienet hat·
vn̄ ſich des ane mv̊s began·
dem libe niht ſo nahe gat·
als ich mich leides wol entſtā·
wand ich den ſelben kvmb̾ han·
Es iſt ein vngelúkes grůs·
d̾ get fúr aller hande ſwere·
dc ich vō frúndē ſcheidē mv̊s·
bi den ich iemer gerne w̾e·
dú not vō minē trúwē kvmt·
ich en weiſ ob ſi der ſele iht frumt·
ſine git dē libe lones me·
wan trurē den vil langē tac·
mir tůt min ſtete dike we·
wand ich mih niht getroͤſtē mac·
der gv̊tē dú mich ſchoͤne pflag·