Mvget ir schǒwen was dem meigen

Mvget ir schǒwen was dem meigen·
wunders ist beschert·
seht an pfaffen seht an leigen·
wie dc alles vert·
gros ist sin gewalt·
in weis ob er zǒber kvnne·
swar er vert in siner wunne·
dan ist nieman alt·

Vns wil schiere wol gelingen·
wir svln sin gemeit·
tanzen lachen vnd singen·
ane doͤrperheit·
we wer were vnfro·
sit du vogellin also schone·
singent in ir besten done·
tv̊n wir ǒch also·