Mvͤſte ich noch gelebē dc ich die roſen·
mit der mīneklichē ſolde leſen·
ſo wold ich mich ſo mit ir erkoſen·
dc wir iemer frúndē mvͤſten weſen·
wurde mir ein kvs noh zeiner ſtvnde·
vō ir rotē mvnde·
ſo w̾e ich an froͤidē wol geneſen·
Was ſol lieblich ſpꝛechē was ſol ſingen·
wc ſol wibes ſchoͤne wc ſol gv̊t·
ſit man niemā ſiht nah froͤidē ringe·
ſit mā úbel ane voꝛhte tůt·
ſit mā trúwe milte zvht vn̄ ere·
wil v̾pflegē ſo ſere·
ſo v̾zagt an froͤidē manigeſ mv̊t·