Mvget ir ſchǒwē was dem meigen

Mvget ir ſchǒwē was dem meigen·
wunderſ iſt beſchert·
ſeht an pfaffen ſeht an leigē·
wie dc alles vert·
groſ iſt ſin gewalt·
in weis ob er zǒber kv̄ne·
ſwar er vert in ſiner wūne·
dan iſt nieman alt·

Vns wil ſchiere wol gelingē·
wir ſvln ſin gemeit·
tanzē lachē vn̄ ſingē·
ane doͤꝛperheit·
we wer were vnfro·
ſit du vogellin alſo ſchone·
ſingent in ir beſten done·
tv̊n wir ǒch alſo·