Mir iſt dú ere vnmere·
da vō ich ze iare wurde vnwert·
vn̄ ich klagende were·
we mir armē húre dis wc vert·
alſo han ich mangē kranz v̾boꝛn·
vnde blv̊mē vil v̾koꝛn·
ſo bꝛeche ich roſē wūd̾ wan der doꝛn·
Swer ſich ſo behaltet·
dc im nieman niht geſpꝛechē mac·
wūnekliche er altet·
im en wirret niht ein halber tac·
der iſt fro ſwēne er zetanze gat·
ſweſ herze vf ere ſtat·
we im des ſin geſelle vnere hat·
Wan ſol iemer fragē·
vō dē man wie es vmb ſin h̾ze ſte·
ſwen des wil betragē·
der enrůchet wie dú zit zerge·
maniger ſchinet voꝛ dē froͤmden gůt·
vnde hat doch valſchē mv̊t·
wol im zehoue d̾ heime rehte tůt·