Mir hat ein liet von franken·
der stolze missener braht· dc vert von ludewige·
ich kan ims niht gedanken·
so wol als er min hat gedaht·
wan dc ich tiefe ime nige·
koͤnde ich swas ieman gv̊tes kan·
dc teilte ich mit dem werden man·
der mir so hoher eren gan·
got mvͤsse ǒch im die sinen iemer meren·
zv̊ fliesse im aller selden flus·
niht wildes mide sinen schvs·
sines hvndes lǒf sins hornes dvs·
erhelle im vnd erschelle im wol nach eren·