Min vro minnenkliche minne
warvmbe hant ir mir die sinne·
so ser so fast an si gewant·
das ich ir nit mag entwenchen·
zwar ir solt úch bas bedenken·
vnd ringen mir dv́ bant·
nein ich wil sent ir tugende bi·
ime was gar wo zemůte·
mit ir guͤte e·
ich doch nit endꝛinnen·
von ir mit hertzen noch mit sinnen·
des si min trúwe mit eit ir pfant·
Ich wil gerne sin gevangen
des twinget mich ir munt ir wangen
ir schoͤn ir guͤte ir wiplich zucht·
vnd ir frowelich geberde·
got der was in hohem werde·
do er geschuf die reinen frucht·
wan dú vil gůte
vienge mich sn aller leige flůcht
Nv́ hat si mich so gebunden·
das min hertze in zallen stunden
bi ir swar ich landen var·
so enwil es nit von dannen·
si hat es also verspannen
vas es niender anderswar·
mas gewenchen vs ir stricke·
wer ich bi dem herzen dicke·
ich wer aller soꝛgen bar·