Min vro minnēkliche minne
warvmbe hant ir mir die ſinne·
ſo ſer ſo faſt an ſi gewant·
das ich ir nit mag entwenchen·
zwar ir ſolt úch bas bedenken·
vn̄ ringen mir dv́ bant·
nein ich wil ſent ir tugende bi·
ime was gar wo zemůte·
mit ir guͤte e·
ich doch nit endꝛinnen·
von ir mit hertzen noch mit ſinnen·
des ſi min trúwe mit eit ir pfant·
Jch wil gerne ſin gevangen
des twinget mich ir munt ir wangen
ir ſchoͤn ir guͤte ir wiplich zucht·
vn̄ ir frowelich geberde·
got der was in hohem werde·
do er geſchuf die reinen frucht·
wan dú vil gůte
vienge mich ſn aller leige flůcht
Nv́ hat ſi mich ſo gebunden·
das min hertze in zallen ſtūden
bi ir ſwar ich landen var·
ſo enwil es nit von dannen·
ſi hat es alſo verſpānen
vas es niender anderswar·
mas gewenchen vs ir ſtricke·
wer ich bi dem herzen dicke·
ich wer aller ſoꝛgen bar·