Mit urlǒb wil ich ſcheiden vō dem lande·
hertz vn̄ můt das las ich ir ze pfande·
ſin vn̄ gedank die wên von ir nit ſcheiden·
ſi ſint ir bi mit ſteteklichen trúwen·
das iſt alſo vn̄ ſol mich doch nit rúwen·
vn̄ fuͤr ich vō den kriſtan zv̊ den heiden·
ſo wil ich doch ir diner ſin·
dú mich da twinget her· vō kindes iugent·
ich wil der lieben vrǒwen min·
mit willen dienen dur ir wiplich tugent·
wie ſi mich hat berǒbet· můt· vnd der ſinnen gar·
ich nîg al dar·
das můs mir ſin erlǒbet·
wie verre ich von den landen var·