Mich gruͤſſet menger mit dem mūde·
den ich doch wol gemelden kvnde·
dc er mir ze kener ſtvnde·
rehter froͤide nie niht gvnde·
dē geliche ich einem hvnde·
der dvr valſchē mv̊t·
ſich deſ vliſſet·
dc er biſſet·
den der im niht 123r entuot·
ICh erkenne minē frúnt ſo ſtete·
dc er niemer miſſetete·
wan dvr boͤſer lúte rete·
der die vngetrúwen bête·
dc ſi niht in ſchoner wete·
trúgen valſchen mv̊t·
dc ſtvͤnde in wol·
ir lachen ſol
mich ſeltē dvnken gv̊t·