Mich gruͤsset menger mit dem munde·
den ich doch wol gemelden kvnde·
dc er mir ze kener stvnde·
rehter froͤide nie niht gvnde·
den geliche ich einem hvnde·
der dvr valschen mv̊t·
sich des vlisset·
dc er bisset·
den der im niht 123r entuot·
ICh erkenne minen frúnt so stete·
dc er niemer missetete·
wan dvr boͤser lúte rete·
der die vngetrúwen bête·
dc si niht in schoner wete·
trúgen valschen mv̊t·
dc stvͤnde in wol·
ir lachen sol
mich selten dvnken gv̊t·