Maria mv̊ter gottes tochter lebend brut
ich man dich trut
an gabrieles grvͤssen·
do dv got den svͤssen·
nem in din leben ich mane dich ǒch an das antwúrt bvͤssen
ich bin ein dirn in gottes gunst můter sins willen erschine·
ich mane dich vrǒwe an die geburt âne vnder wegen·
do dv den degen·
geb in den tempel schone·
her sýmeone·
ich mane dich ǒch der marter sin vnd der troppfen vrone·
die blv̊tig var din ǒgen triben we vs dem herzen schrine·
die troppfen in der achte min·
ich mane dich der vrstende sin·
des kindes din·
der vroͤiden phin·
do dir sin himel vart wart schin·
vnd das dich got ǒch nam dar in·
der aller froͤiden bis gemant hilf mir von sv́nden pine·