Maria mv̊ter gottes tochter lebend bꝛut
ich man dich trut
an gabꝛieles grvͤſſen·
do dv got den ſvͤſſen·
nem in din leben ich mane dich ǒch an das antwúrt bvͤſſen
ich bin ein dirn in gottes gunſt můt̾ ſins willen erſchine·
ich mane dich vrǒwe an die geburt âne vnder wegen·
do dv den degen·
geb in den tempel ſchone·
her ſýmeone·
ich mane dich ǒch d̾ marter ſin vn̄ der troppfen vrone·
die blv̊tig var din ǒgen triben we vs dem h̾zen ſchrine·
die troppfen in der achte min·
ich mane dich d̾ vrſtende ſin·
des kindes din·
der vroͤiden phin·
do dir ſin himel vart wart ſchin·
vn̄ das dich got ǒch nam dar in·
der aller froͤiden bis gemāt hilf mir von ſv́nden pine·