Liebv́ frowe vil lieber denn noch liebers iht·
dv maht wol heissen leit vertrib dv rehter minnen bluͤte·
der gewissen dir vil wol min herze giht·
swas ich liebes ie gewan dc kvmt von diner gvͤte·
vil liebú frowe ich bin dir holt·
dv scheidest mich von sorgen swenne ich bin der lieben nahen·
dv gist so froͤiderichen solt·
din gvͤte kan mich mit gedanken schone zv̊ ir vahen·
vil liebv́ frowe din gvͤte schone geblvͤmet stat·
vil liebú frowe din gvͤte tůt mir sorgen rat·
wart dem liebe frowe der eren gan·
wol im des si mit trúwen pfliget vnd in mit armen hat vmbevan·