Ivncherre ich han groſſe hůter·
durh ivwern willen daſt mir leit·
beidú vō vat̾ vn̄ von mv̊t̾·
v̾loꝛn hant ir úwer arbeit·
wolt ir mir ein lútzel beiten·
ich lôſte úch ſchiere vs arbeitē·
Jvnch̾relin·
durh rehte minne beite min·
Were ich h̾re vber al die manige·
da man pꝛiſet ein gůt lant·
vn̄ w̾e ich kúnig in tſchampanige·
ſo wer ich witenan erkant·
ſo lieſſe ich ſper vn̄ al die krone·
ê min lieb dc iſt ſchone·
vn̄ iſt ſo gůt·
got h̾re machēt mir ir mīne ſpůt·