Ein bernde saf der minnen bluͤte·
ein vrsprinc aller selikeit·
din zvht din guͤte ob aller guͤte·
din mvnt der minnen wafen treit·
dú liehten ǒgen din·
eine strale hant geschossen·
in das herze min·
des mv̊s ich vil vnverdrossen·
din endelicher dienest sin·
Reine wib dvr dine guͤte·
nv hilf mir vsser sender not·
vnde troͤste min gemvͤte·
alder ich bin an froͤiden tot·
wilt dv mich bewarn·
vor sorgen sost mir wol gelvngen·
rehte als die arn·
wil ich mich doch wider ivngen·
vnd vf gegen den lúften varn·