Ein bernde ſaf der mīnen bluͤte·
ein vrſpꝛinc aller ſelikeit·
din zvht din guͤte ob aller guͤte·
din mvnt der mīnen wafen treit·
dú liehtē ǒgen din·
eine ſtrale hant geſchoſſen·
in das herze min·
des mv̊s ich vil vnv̾dꝛoſſē·
din endelicher dieneſt ſin·
Reine wib dvr dine guͤte·
nv hilf mir vſſer ſender not·
vnde troͤſte min gemvͤte·
alder ich bin an froͤidē tot·
wilt dv mich bewarn·
voꝛ ſoꝛgē ſoſt mir wol gelvngē·
rehte als die arn·
wil ich mich doch wider ivngen·
vn̄ vf gegen den lúftē varn·