Jvncherre ich han grosse hůter·
durh ivwern willen dast mir leit·
beidú von vater vnd von mv̊ter·
verlorn hant ir úwer arbeit·
wolt ir mir ein lútzel beiten·
ich lôste úch schiere vs arbeiten·
Jvncherrelin·
durh rehte minne beite min·
Were ich herre vber al die manige·
da man priset ein gůt lant·
vnd were ich kúnig in tschampanige·
so wer ich witenan erkant·
so liesse ich sper vnd al die krone·
ê min lieb dc ist schone·
vnd ist so gůt·
got herre machent mir ir minne spůt·